Гэта старонка не была вычытаная
Нам ня шкода бяры
Стужы зімовай
Цень.
Крыж! ты стань на гары:
Радзі нам новы
Дзень!
16.
На вогнішчы басанож,
У руках вінтоўка, нож…
Здабываць галодным славу!
— «Даёш Варшаву!?»
— Нам ня трэба гарады: —
Волі сьцяг нясём туды,
Іскры гонім мы пажару.
Сьмялей ударым!
«Нам дарогу — уцякай!»
Чуваць крыкі: а-я-яй!..
Бач, улан астатні едзе, —
«Ах, цо то бэндзе?..»
А чырвоныя ідудь,
Песьні волі зноў пяюць,
Адусюль бягуць к ім людзі:
— Нам цёпла будзе!
17.
Замоўклі песьні грознай сілы…
Адкуль прышлі? І хто яны?
Што рвуць няволі кайданы
І сыплюць сьвежыя магілы?..
Яны — байцы вялікай раці.
Іх хата там, дзе ёсьць прастор.
Няволя, крыўда — вось іх маці!
Ідуць яны да сонца й зор.