Гэта старонка не была вычытаная
∗
∗ ∗ |
Ды навошта знаць сягоньня
Колер хвалі у ваччу?
Чырвань — майскае улоньне,
Іншы колер — уначчу…
∗
∗ ∗ |
Углядзіся ў колер мора,
Як па хвалях ён плыве,
Колер ветру, ці прастору,
Ён жыве, і ня жыве!
∗
∗ ∗ |
Колер вочак не спазнаеш, —
Ён мяняецца ўвесь час,
Калі вочкі ты кахаеш,
Вугалёк пакуль ня згас!
∗
∗ ∗ |
Дрэмле саколік у сьне,
Досыць, саколка, каханьня!
Сьні, ненаглядка, мяне,
Сьні пацалунак спатканьня!
∗
∗ ∗ |
