Адвернік.
І думаць нечага.
Нам трэба пашукаць такога чалавека,
Які-б пайшоў на рызыку сваім дабром,
А магістрат у страты каб не ўводзіць.
Радца.
Ці знойдзецца такі?
Адвернік.
Свет не без добрых душ. Не толькі-ж каліта,
А й слава горада свайго, сталіцы, быць павінна
Для сэрца блізкай кожнаму між нас,
Ну, разумеецца, прынамсі тым, хто лішні
Грош мае у кішэні.
Бабіч.
Сардэчнае вітанне вам, легаты епіскопій,
Ад магістрата Вільні. Добры дзень!
Ёган.
Дзень добры, гэр бургомістр!
Адвернік.
Дзень добры вам, гэр Ёган!
Ёган.
Гэр Юрый, добры дзень!
Айцец Мацей.
Праслаўным радцам града Вільні,
Што пад апекай боскаю квітнее,
Kіp Ёсіп перадаў праз нас смірэнных
Сваё высокае благаславенне.
Айцец Сіман.
Здраў будзь, Георгій сын Скарыніч!
Георгій.
Як бацьку роднага, вітаю, ойча Сіман!
Айцец Сіман.
Не блудным сынам ты прышоў к нам на радзіму?
Георгій.
Не, ойча мой!
Айцец Сіман.
Тады здраў будзі, сын мой!
Георгій (у перамешку з пацалункамі).
Ну што, стары?
Гара з гарой не сходзіцца, як кажуць,
