Злучайцеся шчыльна, краінаў народы —
Грамады працоўных людзей!
Сьвяткуйце вялікае сьвята свабоды, —
Хай гімн ваш ліецца з грудзей!
|}
|
Як люблю я цябе,
Беларусь ты мая,
І як дорага мне
Ўся аздоба твая!
Вось я полем іду,
Што зіхціцца расой,
Я любуюся тут
Нашай роднай красой.
Ў небе скрозь ясната,
Няма воблачка ў ім.
Вабіць душу маю
Даль блакітам сваім.
А на ўсходзе здалёк
Палыхае пажар.
Сонцу гімны зьвіняць, —
Колькі ў гімнах тых чар!
З сэрца водгук ляціць,
Душа рвецца туды —
К небу сінему, ўдаль
Ад жыцьцёвай нуды…
Во я ў гай увайшоў:
Тут журчыць ручаёк,
Зеляніна ўвакол,
Сьпеў нясецца здалёк.
Вунь бярозкі стаяць
Беласьнежняй гурмой,
Упрыгожаны дол
Аксамітам — травой…
|
