Вось Багдановіч, наш паэта…

Вось Багдановіч, наш паэта…
Верш
Аўтар: Язэп Фарботка
Крыніца: Я. Фарботко. Беларусь у песьнях. Менск, 1920

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Вось Багдановіч, наш паэта,
Як зорка ясна, як камэта,
Із Яраслаўля дзіўным зьзяньнем
Сьвяціў нам шчырым закаханьнем
Да роднай мовы да сваей
Да запрацованых людзей.
Яго цудоўны лірны звон
Аб славе нашых старых дзён
Нас чараваў гармоньяй дзіўнай,
Прыгожым рытмам пераліўным,
Ён нам тлумачыў бязупынна
Пякноты роднае краіны.
А сэрца хворае яго
Знайсці спакою не магло —
Паехаў у Ялту супачыць,
Там перарвалась жыцьця ніць.