Засьвяціла цяпло...
 |
Гэтая старонка адпавядае крытэрам хуткага выдалення. Удзельнік, які паставіў шаблон так тлумачыць: Ужо ёсьць Засьвяціла цяпло…. Калі вы ня згодны з хуткім выдаленнем, калі ласка, пастаўце шаблён {{Да выдалення}} і стварыце адпаведнае абмеркаванне на старонцы Вікікрыніцы:Да выдалення. Калі запыт аб’ектыўна не адпавядае крытэрам, яго можна прыбраць, але не рабеце так са старонкамі, якія Вы самі стварылі.
Сюды спасылаюцца. Журнал выдаленьняў. Гэтую старонку апошні раз правіў удзельнік Gleb Leo (размовы | унёсак) 10 месяцаў таму. (абнавіць) |
| Засьвяціла цяпло… Верш Аўтар: Янка Купала 1905—1907 Крыніца: http://rv-blr.com/literature/2663#887 |
Прапануем да спампаваньня!
Засьвяціла цяпло бляскам радасьці яснай,
Разбудзіла ўвесь сьвет ад зімовага сну;
Эх, напрасна віхор енча ў плоце, напрасна:
Бачым сьветласьць кругом, бачым сонца-вясну!
Як з вадзіцы сьвянцонай нячыстая сіла,
Паляцелі растаўшы і сьнег, і мароз;
Вясна холад змагла, вясна сьвет ажывіла,
Зь вясной меней на сьвеце і смутку, і сьлёз!
Ва ўсіх шчасьце на твары вясёлкай гуляе
Ды ахвоцідь да працы, да праўды сьвятой,
Невясёлыя думы і сны разганяе, —
Аж так хочацца жыць усяёю душой!
Аж так хочацца жыць і жывую надзею
Калыхаць у душы, думку сьніць аб адном:
Што вясна наша гора, як сьнег і завею,
Пахавае ў рацэ, спале сонца агнём!..
(1905—1907)