Творы М. Багдановіча (1927—1928)/I/I/75

← 74. Агата

75. ⁂ Калі паласу агнявую Верш Аўтар: Максім Багдановіч 1927 год

76. ⁂ Маладыя гады →

Прапануем да спампаваньня!

75.

∗     ∗
∗

Калі паласу агнявую
На захадзе соyца праводзе, —
Пакінуўшы вежу старую,
У сад каралеўна выходзе.

Вось чмель прагудзеў аксамітны,
Вось ярка-зялёная мушка…
І ўрэшце з краіны блакітнай
Ўлятае маленькая птушка.

Як чутна яна запявае,
Што ёсьць і вясна, і каханьне,
І шчасьце бяз меры, бяз краю,
І першая горач расстаньня.

Маркотна глядзіць каралеўна, —
Так сэрца жадае любові!
І хмурыць сувора і гнеўна
Кароль пасівеўшыя брові.

1915-16.

Увагі

75. Калі паласу агнявую… Верш выдаецца з аўтографу (п. IV, № 7). Аб годзе напісаньня гл. ўвагу да в. № 71.
Рукапісныя варыянты (XI, № 4, 3):
7З далёкай краіны благой…
9цёмнаю ночкай сьпявае,
10Калі загараюцца зоркі,
11Што радасьць на сьвеце бывае…