Čyžyk biełaruski (1912)/Družna braćcia!

← Hodzi!

Družna braćcia! Верш Аўтар: Гальяш Леўчык 1912 год

⁂ Usio prachodzie… →

Іншыя публікацыі гэтага твора: Дружна, брацьця!..

Прапануем да спампаваньня!

Družna braćcia!…

Družna braćcia, budźma ŭ zhodzi
Ci ŭ niadoli, ci ŭ pryhodzi,
I złučemsia ŭ šnur jak husi,
Na dobro ŭsiej Biełarusi.

Bo ci chto kali patrapić
Wienik pałamać adrazu?
Nie zdaleje, — tolki stracić
Mnoha potu, sił i času!

A, kali jaho razwiaže,
Kožnu jon tahdy halinku,
Jak wazmiecca, jak nalaže,
Pierałomić, jak bylinku!

Dyk i my kali ŭ hramadzi
Razam staniem, jak ścianoju,
Družna budziem žyć i radzić,
Nie zastrašać nas biadoju!!!