Śledam za Chrystusam (1934)/Pradmowa
| Pradmowa Публіцыстыка Аўтар: Адам Станкевіч 1934 год |
Knižka pieršaja → |
Прапануем да спампаваньня!
PRADMOWA
Praŭdu kažuć ludzi, što “knižki majuć swoj los”. Heta prykazka, jak nia treba lepš, spraŭdžajecca na knižcy “Śledam za Chrystusam”, jakuju wypuskajem u świet.
Na biełaruskuju mowu pierakłaŭ hetuju knižku dr. Stanisłaŭ Hrynkiewič 26.WIII.1924 h. Astawalasia pierahledzić, paprawić rukapis, znajści wydaŭca i prystupić da drukawańnia. Woś-ža ad pierakładčyka pawandrawaŭ rukapis “Śledam za Chrystusam” da wiedamaha bielaruskaha paeta Kazimiera Swajaka (ks. K. Stepowiča). Swajak, lečačy swaje suchoty i dažywajučy apošnija swaje hady na hetaj ziamli, tolki zbolšaha moh prahledzić rukapis i tolki niaznačnyja parabiŭ papraŭki. Było heta u 1925-6 hodzie.
U 1928 h. pačała wychodzić u Wilni katalickaja časopis “Chryscijanskaja Dumka”, u redakcyju jakoj byŭ prysłany i rukapis “Śledam za Chrystusam”, dzie 15.WIII.1930 h. i pačałosia jaho drukawańnie.
Pierakład dr. St. Hrynkiewiča što da źmiestu i što da mowy byŭ dawoli dobry. Zdaralisia tolki časta značnyja niedakładnaści ŭ admysłowych teolohičnych słowach i paniaćciach, što prychodziłasia adpawiedna paprawić i ŭzhodnić z łacinskim aryhinałam. U mowie pierakładu jość šmat asabliwaściaŭ biełaruskaj mowy Horadzienščyny, jakija tam i astaŭleny, jak naležačyja da bahaćcia hetaj mowy.
Urešcie, u 1934 hodzie, pry pomačy našych bratoŭ lwoŭskich katalikoŭ ukraincaŭ — za što im tut wyražajem ščyruju padziaku, — knižka “Śledam ža Chrystusam” ubačyła świet Božy.
Ad dušy ciešymsia, što knižka “Śledam za Chrystusam”, jakaja pierałožana na ŭsie kulturnyja mowy świetu, jak klasyčny padručnik chryścijanskaj ascezy i chryścijanskaj daskanalnaści, znajdziecca i ŭ rukach katalíkoŭ biełarusaŭ tak-ža ŭ ich rodnaj biełaruskaj mowie.
Redaktar “Chr. Dumki”.
18.VI.1934 h.
Wilnia.