Агні (1930)/Гарадок/Васількі

← На рагу

Васількі Верш Аўтар: Юлі Таўбін 1930 год

Іншыя публікацыі гэтага твора: Васількі (Таўбін).

Прапануем да спампаваньня!

ВАСІЛЬКІ

Людзі йшлі па плошчах гожых,
Па проспэктах гарадзкіх…
Ты на стыку ўсім прахожым
Прадавала васількі.
Людзі йшлі і праміналі,
Не вярталіся ізноў…
Ім нічога не казалі
Зоркі-вочы васількоў.
Толькі я, дзівак-поэта,
Прыпініўся і сачыў,
Як пялёсткі з тых букетаў
Асыпаліся ўначы.

1928
Варонеж