Агні (1930)/Гарадок/Вечар… ў горадзе вечар

← Адкінуўшы фіранку

⁂ (Вечар… ў горадзе вечар) Верш Аўтар: Юлі Таўбін 1930 год

⁂ (На вуліцах — мароз і маладзік) →

Іншыя публікацыі гэтага твора: Вечар… ў горадзе вечар…

Прапануем да спампаваньня!

∗
∗     ∗

Вечар… ў горадзе вечар… Сьнягі пасінелі…
І дрыжыць тэлефонная сець…
Толькі крокі па цёмных, шырокіх панэлях
І ўначы не пакінуць гручэць.
Маладзік у нябёсах блукае бязьмежных,
А на вуліцах — ноч… мітульга…
І ля бліжняй да нас трансформатарнай вежы
Электрычных праменьняў дуга.
Зьнекуль чуюцца гукі фабрычнае песьні,
Недзе дыша магутны мотор…
Вечар… У горадзе вечар… Над горадам месяц,
А за горадам сьнежны прастор.

24-I 1929