Барвенак (1924)/Гоман мора/Перад плаваньнем

Перад плаваньнем
Верш
Аўтар: Алесь Гурло
1924 год

Іншыя публікацыі гэтага твора: Перад плаваньнем.

Прапануем да спампаваньня!

ПЕРАД ПЛАВАНЬНЕМ.

Па гладзі роўнай мора хваль
Плысьці гатоў мой човен ўдаль…
Бялее паруе ў сіні вод
І рвецца крыламі ўпярод.
Грабцы становяцца ў чарод.
Лажыцца сонца пазалот
На мачту стройную з высот.
Рука магутная, як сталь,
Ўзялась за руль — чоўн рэжа даль…

Экэнэс, 1915 г.