Барвенак (1924)/Чары каханьня/Ці верыць

← ⁂ (Ніхто мяне…)

Ці верыць Верш Аўтар: Алесь Гурло 1924 год

Я сядзеў над рэчкай →

Іншыя публікацыі гэтага твора: Ці верыць?

Прапануем да спампаваньня!

ЦІ ВЕРЫЦЬ?

Я бачыла яго у сьне…
Ці верыць ў гэты сон, ці не?

Ён здрадай глянуў ў мае вочы,
Агонь заліў мой твар дзявочы
Пры словах: ты ня люба мне…
Ці верыць ў гэты сон, ці не?

*

А ў яве іншым здаўся ён:
Ён разагнаў надзеяй сон,
Ён ласкай ў вочы мае глянуў,
Трывогу — сэрца майго рану

Згаіў яго сардэчны звон…
Ці верыць ў яў, ці верыць ў сон?