Беларускае жыцьцё (1919)/1920/3/Я кахаў…

Я кахаў… Верш Аўтар: Уладзімір Жылка 1920 год Крыніца: Беларускае Жыцьцё. — 9 лютага 1920. — №3 (25); бач. 11

Іншыя публікацыі гэтага твора: Я кахаў.

Прапануем да спампаваньня!

Я КАХАЎ…

Я кахаў… Ах, калісьці даўно я кахаў!
Аж тагды, калі моладасьць зьяла ў вачох,
Калі гора і смутку я, дужы, не знаў
І адвага кіпела ў грудзёх, —
Шчэ тагды, аж тады я кахаў!..

Але зьбег і загінуў, як мара, той час:
Пагубляў я ўсе радасьці год маладых
І жыцьцё, і сябе праклінаю ня раз…
А цяпер, як у небе пас зор залатых,
На шляху маім сьвеціць той час.

Ул. Ж.