Беларуская думка (1919)/3/Беларусь, ты не загінеш…

Беларусь, ты не загінеш… Верш 1919 год Крыніца: Беларуская Думка. — 3 мая 1919. — №3; бач. 2

Іншыя публікацыі гэтага твора: Беларусь, ты не загінеш…

Прапануем да спампаваньня!

Беларусь, ты не загінеш,
Беларусь, ты не памрэш,
Волі-долі ня пакінеш,
Варагоў перамажэш.
Беларусь, ты маеш многа
Сёл, мястэчак, гарадоў,
І дадуць яны даволі
За свабоду ваякоў.
З імі крыж свой цяжкі здымеш
Той нядолі, што нясеш.
Беларусь, ты не загінеш,
Беларусь, ты не памрэш!