Беларус (Каганец)

Беларус
Верш
Аўтар: Карусь Каганец
Крыніца: https://knihi.com/Karus_Kahaniec/Bielarus.html

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Гэй, русіне! Што так зажурыўся?

Чы пра Русь ты сваю шчэ не забыўся?

— Ша! Як смееш такое гадаці

І такія рэчы ў голас павядаці?!

Хіба ты забыўся, як цар праваслаўны,

Айцец — бацюшка Расіі праслаўны —

Усім русінам прыказ такі даў

І рукою уласнай яго падпісаў,

Што б русінаў болей не было на свеце

А ўсе расіяне — маскоўскія дзеці,

А хто ся адважыць русінам ся зваці,

Таго у ссылку або расстраляці!

3/ІХ. 1899 г. Перапелец