Веснапесьні (1929)/Бразнулі з грукатам дзьверы…

← ⁂ (У цэлі расселісь халодныя змрокі…)

⁂ (Бразнулі з грукатам дзьверы…) Верш Аўтар: Хведар Ільяшэвіч 1929 год

⁂ (На двары вастрожным бура…) →

Іншыя публікацыі гэтага твора: Бразнулі з грукатам дзьверы…

Прапануем да спампаваньня!

∗
∗               ∗

Бразнулі з грукатам дзьверы, —
Зноў я у цэлі сырой!
Зноў яе крокамі меру,
Сьцен нарушаю спакой.
З вокнаў далёкага дому
Даносіцца бурна Шопэн
І ў сэрцы нязьведна нікому
Не‘к сумна між воражых сьцен.
Застыўшая зупа з вадзіцы
І чорнага хлеба паўфунт —
Сапраўды, з іх можа зрадзіцца
Гарачы, вялізарны бунт!
Шагаеш… і хочацца ведаць:
Калі-ж людзі стануць людзьмі?
А нешта ірвецца паведаць —
Адвечную казку зямлі…

1928 г.