Вянок (1914)/Место/За дахамі места…

⁂ За дахамі места…
Верш
Аўтар: Максім Багдановіч
1914 год

Іншыя публікацыі гэтага твора: За дахамі места памеркла нябёс пазалота…

Прапануем да спампаваньня!

* * *

За дахамі места памеркла нябёс пазалота;
Паветрэ напоена ціха гусьцеючым мрокам;
Ўжо відна, як іскры зьлетаюць с трамвайнаго дрота,
Як зоркі гараць і зрываюцца ў небі далёкам.
Музыкі стагнаньне ліецца па вулках з бульвара;
Гараць і агнём машкару к сабе вабяць ліхтарні;
Ўкруг тоўстаго шкла яна ўёцца як лёгкая хмарка.
А к сьветлу прабіцца ня можэ і томіцца марна.
І ўспомініў я час: срэдзь восеннай нахмурэнай ночы
Музыка зайграла, агні ў вышыне запылалі,
Ўдыхалі грудзі шырока, сьвяціліся вочы…
Мы к сьветлу ўзляцелі… і шкло ўкруг яго напаткалі.