Вянок (1927)/Старая спадчына/Пэнтамэтры

← ∗ Шмат у нашым жыцьці ёсьць дарог…

Пэнтамэтры Верш Аўтар: Максім Багдановіч 1927 год

Непагодаю маёвай →

Іншыя публікацыі гэтага твора: Пэнтамэтры (Багдановіч).

Прапануем да спампаваньня!

Нізка вершаў „Старая Спадчына“.

Мы зерна древніе лелеемъ,
Мы урожай столѣтій жнемъ.
В. Брюсовъ.

ПЭНТАМЭТРЫ.

Чыстыя сьлёзы з вачэй пакаціліся нізкай парванай,
Але, упаўшы у пыл, брудам зрабіліся там.

∗        ∗
∗

Хіліцца к вечару дзень і даўжэйшымі робяцца цені;
З болем пад захад жыцьця ўспомніш пра гэтае ты.

∗        ∗
∗

З нізкага берагу дно акіяну вачом не даступна, —
Глуха укрыла яго сіняя цемень вады.
Але ўзьбярыся ўгару на вяршыну прыбрэжнай
страмніны, —
Кожны каменьчык на дне, пэўна, пабачыш ты стуль.