Вянок (1927)/У зачарованым царстве/Блішчыць у небе зор пасеў…

← ∗ Прывет табе, жыцьцё на волі…

∗ Блішчыць у небе зор пасеў… Верш Аўтар: Максім Багдановіч 1927 год

∗ Цёплы вечар, ціхі вецер… →

Іншыя публікацыі гэтага твора: Блішчыць у небе зор пасеў…

Прапануем да спампаваньня!

∗
∗        ∗

Блішчыць у небе зор пасеў;
У полі — рунь, і ў небе — рунь.
Да рэчкі лецячы, ўзьляцеў
Між імі марай белы лунь.

Кажан пранёсься на крылох
Стракочуць конікі ў траве,
Снуюцца мышы па палёх,
Здаецца — ўсё вакол жыве.

Жыцьцё чуваць з усіх старон,
Жыцьцём напоўнены ўвесь мрок.
Ці-ж загубіў плывучы сон
З чырвоных макаў свой вянок?