Віленскі прывілей 1565 года

Віленскі прывілей 1565 года Прывілей Аўтар: Жыгімонт Аўгуст 30 снежня 1565 Крыніца: Радаман А. Віленскі земскі прывілей 1565 г. вялікага князя літоўскага Жыгімонта Аўгуста // Беларускі гістарычны агляд. 2005. Т. 12. Сш. 1—2. С. 151—161

Прапануем да спампаваньня!

Жикгимонт Август, Божью милостью король польский, великий князь литовский, руский, пруский, жомойтский, мазовецкий, лифлянтский и иных.

Чинимъ явно симъ листомъ нашимъ нинешнимъ и напотомъ будучимъ, кому будеть потреба того ведати або чтучи его слышати, иж будучи намъ, господару, на великомъ сойме вальномъ в месте нашомъ столечном Виленском с паны радами нашими духовными и светскими, князи, паны, врядники земскими и дворными и зо всимъ рыцэръствомъ земль усихъ паньства нашого Великого Князьства Литовского, где, прекладаючи потребы речи посполитое того паньства нашого, донесли прозьбы свои межи иными речми с покорнымъ чоломъбитьемъ ку намъ, господару, вси станы спольне и одностайне, ижъ быхмо для способу лепшого и отправы поспешнейшое в справедливости людской статутъ новый, от насъ, господара, на сойме вальномъ у Бельску року прошлого выданый и привильемъ нашимъ утверъжоный, в скутэчное уживанье привели и тымъ статутомъ суды отправовати казали. А приводечи ку большому порадку речъ посполитую, што быхмо на выбиранье пословъ соймомъ вальным и иным потребамъ земскимъ належачихъ, дозволили и допустили в поветехъ, то естъ, гдекольвекъ врады судовые засажоны и где потомъ через насъ, господара, засаженье врядовъ судовыхъ зъ ихъ прозьбы и зволенья дойдеть, соймы малые ку збиранью всихъ обователей в кождомъ повете мевати и на тые соймы поветовые всимъ паномъ радамъ нашимъ, княземъ, паномъ, врядникомъ земскимъ и дворнымъ, и всимъ станомъ народу шляхетского и стану рыцэрского, где хто в которомъ повете оселость маеть, на часы через листы наши назначоные зъеждчатися, прикладом и порадкомъ, яко на такихъ соймехъ поветовыхъ справа, поступокъ и обычай заховыванъ есть в паньстве нашомъ Коруны Польское.

Ино мы, господаръ, дознавши не одно черезъ весь часъ панованья нашого, але ку памети и вспоминанью годному приводечи, же з давныхъ вековъ, за щасливого панованья славное памети продковъ нашихъ, королей ихъ милости и великихъ князей литовскихъ яко продковъ велебныхъ в Бозе, велеможныхъ пановъ радъ ихъ милости духовныхъ и светскихъ, князей, пановъ, врядниковъ земскихъ и дворныхъ, и всего рыцэрства, родичовъ и обователей земль всихъ Великого Князства Литовского, цнотливыхъ и верныхъ, а пожиточныхъ заслугъ в речи посполитой, такъ же и всихъ на тотъ часъ будучихъ ку намъ, господару, пану своему прирожоному, и ку кождымъ потребамъ земскимъ, которыми не только з утраченьемъ маетностей, але з нелитованьемъ здоровъя и горлъ своихъ, мужне стале заставуючи ся, такъ радами мудрыми, яко и кождою ростропностью, а праве мужною, а моцною усильностью, противко кождому неприятелю нашому намъ, господару, и речи посполитой добре заслугуючи подобали и подобатися не переставають. А для такихъ верныхъ, цнотливыхъ и намъ миле вдячныхъ заслугъ умыслили есьмо не только таковыхъ потребъ, речи посполитой належачихъ, не отмовляти, але еще завжды щодробливе, яко есьмо звыкли, причиняти и примножати хочемъ и обецуемъ, абы вжо тымъ статутомъ новымъ судили и справовалися вси станы, однакимъ порадкомъ в поветехъ и на местцохъ, судомъ розложоныхъ, перед врядники на суды, от насъ высажоными, водлугъ привилья и наданья нашого на сойме Бельскомъ, на то от насъ обдарованого.

А в тыхъ же такихъ поветехъ на местцохъ головнейшихъ, поветомъ и судомъ поветовымъ розложоныхъ, зъеждчатися и збирати княземъ, паномъ радамъ нашимъ, врядникомъ земскимъ и дворнымъ, и всему рыцэрству, хто в которомъ повете оceлocть маеть, дозволяемъ за обосланьемъ и листы нашими господарскими зъехавшися, в потребахъ речи посполитое радити и намовляти и объмышляти, о чомъ им от насъ, господара, ознаймено будеть. И с того ж такового забранья и намовъ спольных пословъ обирати и на съемъ великий вальный звыклый в томъ паньстве нашомъ, кгды листы нашими господаръскими местцо таковому сойму ознаймено и зложоно будеть, выправляти, и через тыхъ пословъ потребы речи посполитое и кождого зособна повету до насъ, господара, приносити, во всемъ справуючися по тому, яко в панстве нашомъ Коруне Польской обычай около таковых зъездовъ, соймовъ поветовых, отправованье пословъ и отношенья потребъ речи посполитое на съемъ вальный перед насъ, господара, заховывается.

А то все, такъ справы судовые у поветех, яко теж и соймы в тых же поветехъ, яко вышей описано, маеть от насъ, господара, и потомковъ нашихъ, великихъ князей литовскихъ, вечне а непорушне держано быти. А с того права и порадку не маемъ никого вызволять и ничимъ отменяти.

Якже на утверженье и моцность того нашого привилья, подписавши его властною рукою нашою господаръскою, печать нашу к нему привесити есьмо казали.

Дано и деялося на вальномъ сойме у Вильни, при бытности пановъ рад нашихъ духовных и светскихъ, и теж князей, пановъ, врядниковъ земских и дворных, лета Божего нароженья тисеча пятьсотъ шестьдесятъ пятого, месеца декабра тридцатого дня.

Sіgіsmundus Augustus rex sst.

Ян Шимкович, маршалокъ, писар.