Гоман (1916)/1917/16/Хаўтуры

Хаўтуры Верш Аўтар: Вінцэнт Лемеш 1917 год Крыніца: Часопіс «Гоман» (Вільня), 1917, № 16 (108), 23 лютага, б. 2

Іншыя публікацыі гэтага твора: Хаўтуры (Лемеш)

Прапануем да спампаваньня!

Хаутуры.

Чуеш—у вёсцэ, за рэчкай за шумнай,
Глуха разносіцца звон, быць хаўтурны
У сонным спакою палёў,

Страшна і роўна, удар за ударам,
Тонець у далі, пакрытай пажарам
Пекных ціхіх вечароў.

Чуеш—чуваць гдзесь хаўтурнае пеньне:
Гэта апостал трудоў і цярпеньня
Шчыры работнік спачыў.

Доўга ён шоў па цярлістай дарозе,
Доўга ён родну зямельку ў трывозе
Потам і кроўю паіў.

Многа ён выняс з дзяцінства душою
Магутнай, прывыкшай сіліцца з бядою.
Хай, закапаны зямлёй.

Ен адпачыне ад мук і гняценьня
Гэты апостал трудоў і цярпеньня
У белай труне. у сваей.

В. Лемеш.

---