Гусьляр (1910)/Adhuknisia duša!

← Pieśnia i siła

Adhuknisia duša! Верш Аўтар: Янка Купала 1910 год

Ščaśliwaść →

Іншыя публікацыі гэтага твора: Адгукніся, душа!..

Прапануем да спампаваньня!

Adhuknisia duša!…

Adhuknisia duša, pieśniaj zwonkaj hrymni!
Niechaj pieśnia z wichrami pamčycca;
Ŭ bratnich sercach niechaj razharacca ahni,
Dumy nowaj paljucca krynicaj.

Ad zary da zary pa radzimaj ziamli
Zaciahanyje ludzi snujucca,
I harujuć jany, redka ščasny kali
S čornaj dolaj zmahajucca, bjucca.

Z jich żyćcia biez żyćcia, z jich biadnot i ciamnot
Karystaje biazpućcie, jak może;
I nichto-ż nie żaleje, jak wiečnych sirot,
Ni swoj brat, i ni Ty nawat, Boże!

Żalbaŭ słuchaje jich tolki šum barawy;
Na jich muki hladziać tolki zory.
Adhuknisia-z, duša, na jich ston wiekawy.
Zadryżycie, daliny i hory!

---