Гусьляр (1910)/Huśli samahraji

← Prywitańnie

Huśli samahraji Верш Аўтар: Янка Купала 1910 год

Żalciesia, hrajkije struny →

Іншыя публікацыі гэтага твора: Гусьлі-самаграі.

Прапануем да спампаваньня!

Huśli samahraji.

Jak zajhrali, zahudzieli
Huśli samahraji,
Paniaślisia, palacieli
Pieśni pa usim kraju.

Ad palany da palany,
Ad bora da bora,
Plywie hołas nie ŭnimany,
Jak-by fali mora.

Ab wialikaj ab staronce,
Biełarusi-maci,
Żalba strašnaja biazkonca
Ŭsio čuwać-čuwaci.

Jak dušy tajej pakutnaj
S pad mahilnaj plity
Homan wieča ŭ huślach čutny,
Čutny zwon raźbity;

Choć raźbity, choć zabyty,
Dla ŭsich zrazumieły,
I ad świtu aż da świtu
Słuchaje świet ceły.

Plačuć, żalucca sprasońnia
Huśli samahraji,
Aż, zdajecca, pušča stohnie,
Kurhan uzdychaje.

---