Гусьляр (1910)/Pakachaj mianie dziaŭčynka

← Padyjdzi

Pakachaj mianie dziaŭčynka Верш Аўтар: Янка Купала 1910 год

Biażyć šybka ručajinka (pieśnia) →

Іншыя публікацыі гэтага твора: Пакахай мяне, дзяўчынка…

Прапануем да спампаваньня!

Pakachaj mianie dziaŭčynka…

Pływie rečačka dalinkaj,
Rybak šmat u jej;
Pakachaj mianie, dziaŭčynka,
Jak rybki ručej!

Biez wadzicy by nikoli
Rybki nie żyli;
Biez kachańnia ščaścia, doli
Nima na ziamli.

Nima s kim dzialici hora,
Smutku i paciech;
Wylij śloz choć ceła mora,
Čużym budzie śmiech.

Chto-ż kachaje, ŭsio zhadaje,
Adčuje dušoj;
Nie čurajsia-ż, dziaučynačka,
Serce mnie ŭspakoj.

Razam budziem życi ŭ chatce,
Razam pieśni pieć;
Budzie rajem świet zdawacca,
Ŭsio praŭdaj jaśnieć.

Ataču ciabie z dušoju
Apiekaj swajej;
Nie zaznaješ ty za mnoju
Kryŭdy ad ludziej.

Żyćcio budzie słacca kwietkaj,
Soncem zabliščyć;
Hej, u doli ty u hetkaj
Śloz nia budzieš lić!

Pakachaj-że mianie tolki
Usiajej dušoj,
Nie daj z żalu marnawacca,
Serce uspakoj!

---