Гусьляр (1910)/Zawitaŭ Piatrok

Zawitaŭ Piatrok
Верш
Аўтар: Янка Купала
1910 год

Іншыя публікацыі гэтага твора: Завітаў Пятрок…

Прапануем да спампаваньня!

Zawitaŭ Piatrok…

Zawitaŭ Piatrok
K tabie, mużyčok,
Ty ŭ šapku nia śpi,
Kosku, znaj, klapi
I wajstry, wajstry!

Kinuŭšy klepać,
Idzi sienażać
Abkładać kasoj,
Z rasoj — nie z rasoj,
Z zary do zary.

Żonce ŭziać siarpok
Hukni, mużyčok,
Chaj idzie, biażyć,
Dzie twoj skarb lażyć,
Dzie z dabrom šnury;

Tam chaj snop u snop
Zwale mnoha kop
Sierp, ruka jaje,
Chaj żnie, chaj piaje
Z zary da zary.

Lij ty z żonkaj pot
Za niadoli zwod;
Pracuj za piacioch,
Źbiraj, što daŭ Boh,
Karystaj s pary.

Chto u letku z nas
Nia robie u zapas,
Ech, budzie zimoj
Biedawaci toj
Z zary da zary!