Дні вясны (1927)/Кветкі красы/Мэлёдыя

← ⁂ (Ой ты, краса палёў далёкіх…)

Мэлёдыя Верш Аўтар: Язэп Пушча 1927 год

⁂ (Маёй песьні ніхто не ачэрніць…) →

Прапануем да спампаваньня!

МЭЛЁДЫЯ

Расхрыстаўся
дзень над ялінай, —
іскрыстыя
колеры скрозь.
Сонца віном
пахмяліла
лісьцё залатое
бяроз.
Песьня красы
Вятры ня утоіць, —
запляце
у сонетны вянок.
Асыпаюць аўсы
пад напеў каласы.
Бляск самотны
зарнічыць
узвыш.
Высокія ноты,
зьвініце!
Горда
зьлятайце, акорды,
3 стыхійнай душы.

5-VIII — 26 г.