Дні вясны (1927)/Кветкі красы/На сэрцы раны ёсьць…

← ⁂ (Сьлязіны буйныя упалі…)

⁂ (На сэрцы раны ёсьць…) Верш Аўтар: Язэп Пушча 1927 год

⁂ (Ў чыстым полі на кургане…) →

Прапануем да спампаваньня!

∗
∗     ∗

На сэрцы раны ёсьць, —
ня змые іх палын.
Я сёньня толькі госьць,
люблю палёў сінь — плынь.

Люблю я ветру сьвіст,
люблю дубровы звон.
Далін, нізін расхліст
вітаць гатоў ізноў.

Люблю таемны шум…
Няхай смыліць сьпіна,
але нашто душу
на церні расьпінаць?

9-III — 26 г.