Жалейка (1908)/На добры, стары лад

← Чагоб я хацеў

На добры, стары лад Верш Аўтар: Янка Купала 1908 год

Нябошчык →

Іншыя публікацыі гэтага твора: На добры стары лад.

Прапануем да спампаваньня!

На добры стары лад.

Забудзься и працуй!
Ни сэрца, ни душы,
Ни дум свайх ня чуй;
Ци ў ґвары, ци ў глушы,
Забудзься и працуй!
Хоць хаткаю тваей
Трасуць што дзень вятры,
И песняю сваей
Разносяць стон стары
Над хаткаю тваей,
Забудзься и працуй!
Нуды пажар тушы,
На вир жыцця ня злуй,
Ци ў ґвары, ци ў глушы,
Забудзься и працуй!
Хоць ночка цемнатой
Заслала сцежки ўсе,
Праходзиш ты кудой
Па слйоз сваих расе;
Ня вечан цемнатой,
Забудзься и працуй!
Прашкоды ўсе крышы,
На долю не крыўдуй,
Ця ў ґвары, ци ў глушы,
Забудзься и працуй!
Хоць горэ ў след бяжыць,
А каменем—гарой
На сэрцы жаль ляжыць,
Хоць смутна, Божэ мой,
Забудзься и працуй!
Ни сэрца, ни душы
Ни дум сваих ня чуй
Ци ў ґвары, ци ў глушы
Забудзься и працуй!

---