Жалейка (1908)/Хоць ты, сэрцэ, лопни, трэсни!

← Песенька для некатарых маладых людзей

Хоць ты, сэрцэ, лопни, трэсни! Верш Аўтар: Янка Купала 1908 год

С песняў аб мужыцкам горы →

Іншыя публікацыі гэтага твора: Хоць ты, сэрца, лопні, трэсьні…

Прапануем да спампаваньня!

∗   ∗
∗

Хоць ты, сэрцэ, лопни, трэсни!
Хоць ты выгани, пан, с хаты!
Буду пець я свае песни,
Пакуль возьмуць у салдаты!

Думки, оды пець я буду,
Каб усяки вясялиўся,
Каб для гэтага тут люду
Свет инакшы атчыниўся,
Каб на поли, ци у лузе,
Ци працуя каля дому,
Ци у лесе, ци при плузе
Пеў йон песни па свайому!

Каб николи ня чураўся
Сваей роднинькай йон мовы,
У якой узгадаваўся,
Хоць забыўся дзеля новай!

Дык пець буду табе, людзе,
Каб працйор свае ты вочы!—
А шмат лепей табе будзе,
Як адружниш дзень ад ночы,
Бо ты ж надта цйомны, браце,
Як тытунь у табакерцэ,—
Хоць ня воўк живеш у хаце,
Хоць ты маеш душу, сэрцэ.

О, я знаю, сэрцэ маеш,
Бо па свинцэ навет плачэш…
А што мовай пагардзаеш,
Дык ты гэтага ня бачыш!..

Гэй! праснися, беларусе:
Усе людцы паўставали!
Гей! праснися, беларусе,—
Усе праўдачку пазнали!..

---