Захварбаваныя вершы (1936)/Лягчэйшы ўздох…

← Ты цалуеш мяне і песьціш…

Лягчэйшы ўздох… Верш Аўтар: Хведар Ільяшэвіч 1936 год

Кладуцца на бруку і сьценах… →

Іншыя публікацыі гэтага твора: Лягчэйшы ўздох…

Прапануем да спампаваньня!

Лягчэйшы ўздох.
Погляд вачэй прыяцельскі —
На нітках — дратох
Вечар нанізвае пацеркі.
Цені людзей
Мігцяць ля сьценаў… між дрэвамі.
Не‘к прыямней
Дразьняцца вулкі сьпевамі.
Ў сэрцы цяпер
Настрой тужлівы раптам сьціх —
Кароткі верш —
Выплесьні накіп радасьці!
Лягчэйшы ўздох.
Погляд вачэй прыяцельскі —
На нітках — дратох
Вечар нанізвае пацеркі.