Заходняя Беларусь (1923)/З рэдакцыйнага партфэлю «Нашае Нівы»/На біблійны лад

На біблійны лад Верш Аўтар: Змітрок Бядуля 1914 (публікацыя 1923) Крыніца: Заходняя Беларусь: зборнік грамадзкае мысли, навукі, літэратуры, мастацтва Зах. Беларусі / Вільня, 1923

З Кнігі Выслоўяў (прытчаў) Саламонавых.

Прапануем да спампаваньня!

З рэдакцыйнага партфэлю „Нашае Нівы“

На біблійны лад.

Proverbia XXIII.

Як за адным сталом засядзеш з панам есьці,
Калі не палахлівы — сунь свой нож у губы!
Фальшывы панскі хлеб ня будзе ў горла лезьці,
Ім, нібы жарствяком, паломіш сабе зубы.

Замест віна ў твой коўш нальець пан гідку кніну.
Пан громка скажа: «еш!» падумае: «давіся!»
Ўслух «братам» назавець, а ўдумках — „хам“, „дубіна“…
Ня шчыры ён з табою. Бедны, сьцеражыся!

Абоймець пан цябе, — падумае: „сьмярдзючы!“
І заварожыць словам хітрым, як вужака…
Душу тваю ён купіць, купіць карк балючы;
Ты пойдзеш ад яго йшчэ горшым небаракам…

Ясакар

Верш гэты, напісаны ў 1914 годзе, быў сканфіскаваны ў «Нашай Ніве» маскоўскай ваеннай цанзурай.

---