Збор твораў (Бядуля, 1937)/II/Вунь бярэзнік на пагорку

← *** Зарніцы над рэчкай гарэлі сягоння

*** Вунь бярэзнік на пагорку Верш Аўтар: Змітрок Бядуля 1937 год

*** Рэчка зыбіць сваю зыбку →

Іншыя публікацыі гэтага твора: Вунь бярэзьнік на пагорку…

Прапануем да спампаваньня!

∗∗∗

Вунь бярэзнік на пагорку.
Ён на сонцы беліць шоўкі.
І кудзерцамі ў расе,
Нібы хлопчык, ён трасе.

Вунь ручай звініць дукатам,
Сустракаецца ён з братам —
З ручайком пяе другім
Небу, сонейку свой гімн.

Вунь на полі рунь рунявіць.
А над полем ветрык жвавы.
Ад мяжы і да мяжы
Ветрык конікам бяжыць.

Вунь, глядзі, пасецца цёлка.
Хлопчык выразаў свісцёлку.
Да бярозкі ён прынік,
П‘е салодкі сакавік.

Вязынь, 1909 г.