Збор твораў (Колас, 1928—1929)/I/1/I/Маёй вясьне

← Вясна

Маёй вясьне Верш Аўтар: Якуб Колас 1928 год

Мара →

Іншыя публікацыі гэтага твора: Маёй вясьне (Каб я волю меў…).

Прапануем да спампаваньня!

МАЁЙ ВЯСЬНЕ

Каб я волю меў,
Я сказаў-бы: „Стой,
Дні вясны маёй,
Сьветлай, маладой!

Не ўцякайце вы
Ў тую даль вякоў,
Дзе пахована
Многа вас, дзянькоў,

І адкуль назад
Вам няма дарог!“
Я-б стрымаў вясну,
Каб я толькі мог.

Ды бягуць дзянькі,
І вясна мая.
Не вярну я іх,
Ня стрымаю я.

1910 г.