Збор твораў (Колас, 1928—1929)/I/1/III/Наша возьме

← Пахаваньне

Наша возьме Верш Аўтар: Якуб Колас 1928 год

Удовіна хата →

Іншыя публікацыі гэтага твора: Наша возьме.

Прапануем да спампаваньня!

НАША ВОЗЬМЕ

Мы ходзім, спатыкаемся,
Бадзяемся, як п‘яныя,
Мы з голадам зрадніліся,
Худыя, абарваныя.

Асьмеяны, аблаяны,
Гразёю мы замазаны,
Багатымі мы скрыўджаны,
Няволяю мы зьвязаны.

Ў балоты мы адціснуты,
Загнаны мы у шчыліны,
І вочы нам завязаны,
І вушы нам зачынены.

Адно мы добра ведаем:
Хоць вечна мы блукаемся,
А ўсё-ж такі хоць некалі,
А праўды дапытаемся.

1908 г.