Збор твораў (Купала, 1925—1932)/II/Па межах родных/Летняя раса

← З летніх малюнкаў

Летняя раса Верш Аўтар: Янка Купала 1926 год

Лета →

Іншыя публікацыі гэтага твора: Летняя раса.

Прапануем да спампаваньня!

ЛЕТНЯЯ РАСА

Як брыльлянты, расьсявае
Ночка летняя расіцу,
Туманамі спавівае
Луг зялёны над крыніцай.

А як раніца настане,
Бліскі сонца загуляюць, —
Рос прыходзіць адцьвітаньне,
Туманы у рэчцы таюць.

Як брыльлянты, гінуць росы
На зялёнай сенажаці;
Сонца косы, нашы косы
Не даюць паўдня ім знаці!

---