Збор твораў (Купала, 1925—1932)/VI/I/Перад сёмухай

← Па дарозе

Перад сёмухай Верш Аўтар: Янка Купала 1932 год

Замчышча →

Іншыя публікацыі гэтага твора: Перад Сёмухай.

Прапануем да спампаваньня!

ПЕРАД СЁМУХАЙ

Гаю, гаю, гаю,
Схаджу да дубровы,
Насяку там маю
Ахапак здаровы.

Будзе тут бярозка,
Будзе тут рабінка,
Будзе клёну горстка,
Будзе і калінка.

Перад хатай нізкай
Пасаджу я дрэўцы,
Ад ваконцаў блізка
Падбяру ім месца.

Ой, кумы, кумочкі,
Міла паглядзеці,
Як пачнуць лісточкі
Трэсьціся, шумеці,

Шаптаць, гаманіці
Ціха між сабою,
Галоўкі хіліці
Тут-жа нада мною.

І мне здасца ў хаце,
Што дрэўцы бясконца
Раяцца, як даці
Долю мне й старонцы.

9-VI—1906 г.

---