Збор твораў (Купала, 1925—1932)/VI/III/Сасонка

← Доля наша

Сасонка Верш Аўтар: Марыя Канапніцкая 1932 год Арыгінальная назва: Choinka w lesie (?) Пераклад: Янка Купала

Каваль →

Іншыя публікацыі гэтага твора: Сасонка (Канапніцкая/Купала).

Прапануем да спампаваньня!

САСОНКА

З польскага — М. Канапніцкай

А хто-ж, хто сасонку
Гэту ў лесе сеяў?
Ой, засеяў яе ветрык,
Што над хатай вее.

А хто-ж, хто сасонку
Напаіў вадзіцай?
Ой, паілі яе сытна
Росы і крыніцы.

А хто-ж, хто сасонку
Грэў у сонным боры?
Агравала яе сонца
З наднебных прастораў.

А хто-ж, хто сасонку
Выхаваў з зярняці?
Выхавала яе гэта
Наша зямля-маці.

---