Зорным шляхам (1932)/Безьбярэжжы каласьсяныя/У бярэзьніку — зялёнцы…

← Вясковая ідылія

⁂ (У бярэзьніку — зялёнцы…) Верш Аўтар: Хведар Ільяшэвіч 1932 год

⁂ (Салодкі шум грымячых шын…) →

Прапануем да спампаваньня!

∗
∗       ∗

У бярэзьніку — зялёнцы
Зашумелася вальней…
У кустох, аблітых сонцам,
Зноў зачохкаў салавей…

Зноў я нечага жадаю,
Зноў я нечага тамлюсь…
Мо’ з вішнёвым цьветабаем
Цалаваць маці — зямлю?..