Зорным шляхам (1932)/Напевы і думы/Вучуся холаду у сьцен…

⁂ (Вучуся холаду у сьцен…)
Верш
Аўтар: Хведар Ільяшэвіч
1932 год

Прапануем да спампаваньня!

∗
∗ ∗

Час, калі трэба журыцца
Душою на сьвежых магілах
Пуста пранёсшыхся днёў.M. Багдановіч.

Вучуся холаду у сьцен,
Спакою ў песьнях аб нядолі,
Хачу сьцюдзёна выпіць сэнс
Людзкіх жаданьняў і патолі.

Ў вячэрня-ціхую пару
Зьліваю ў цемру свае зрокі
І быццам слухаюць і мруць
У цэлі жудасныя змрокі.

„Лукішкі“ 1929.