З палёў Заходняй Беларусі (1927)/III/Туман

← Вечарам

Туман Верш Аўтар: Уладзімір Жылка 1927 год

Восень →

Іншыя публікацыі гэтага твора: Туман (Жылка).

Прапануем да спампаваньня!

ТУМАН

Навіс пасьцілкаю туман,
З імглы сатканы часта-густа,
Заслаў лес, поле і курган,
Паўзе да хат, як смоўж той тлусты, —

І, быццам цяжкі грэх жыцьця,
На сэрцы шэрай лёг жудою,
І, яснасьць дум і пачуцьця
Прыкрыў, халодны ён, сабою.

1923 г.