Кляновыя завеі (1927)/Раніца…

← Па-за вакном крышталяцца зарніцы…

Раніца… Верш Аўтар: Тодар Кляшторны 1927 год

На небе сыпліцца сярэбраны гарох… →

Іншыя публікацыі гэтага твора: Раніца… (Кляшторны).

Прапануем да спампаваньня!

∗
∗     ∗

Раніца…
Сонца з заўзгоркаў ня вышла
Ў росах свой твар паласкаць.
Шэпчуць калосьсямі ўзвышшы
Пахне расой сенажаць.

Гай апушыўся туманам,
Гай заглядзеўся у высь. —
Кудрамі лісьцяў з кургану
Ў прозалаць возера зьвіс.