Купалінка/На святую Купалачку

На святую Купалачку Песня Народная песня Крыніца: Народныя песні: купальскія і пятроўскія

Беларуская народная песня

Прапануем да спампаваньня!

Каліна!
 На святую Купалачку, каліна.
Каліна!
Ой, выйду на вулачку
Каліна!
Да буду глядзець, што будзе ляцець.
Каліна!
Ляцяць-ляцяць тры лебедзі.
Каліна!
— Лебедзі мае шарэнькія,
Каліна!
Да скіньце мне па перынцы,
Каліна!
Па перынцы, па русай касе.
Каліна!
Русую касу я ў мамкі знашу,
Каліна!
А перайка — пад венчыкам,
Каліна!
Русу косачку — пад чэпчыкам.
Каліна!

421. АІМЭФ, ф. 2, воп. 14, ст. 27, № 2. Зап. Г. Таўлай у 1977 г. у в. Глебаўшчына Лагойскага р. ад Г. Гулько, 1894 г. н.