Маладая Беларусь (альманах)/3/Wieršy (Петрашкевіч)/Żyćcio mużyka

Żyćcio mużyka
Верш
Аўтар: Альфонс Петрашкевіч
1913 год

Прапануем да спампаваньня!

Żyćcio mużyka.

Naradziŭsia čeławiek.
Budzie wyrastaci,
Pracawaci ceły wiek,
Życi, harewaci.

Ŭ poli leta za sachoj
Budzie prawadzici,
S taparonkam i piłoj
Ŭ zimku les rubici.

Pośle znajdzie pa dušy
Sabie żonku, z jej
Budzie ŭ hory, nia ŭ cišy
Hadawać dziaciej.

Budzie chreźbiny spraŭlać
I harełku pici,
Budzie ślozy wyliwać,
Wiečna z biadoj życi.

Dzieci trocha padrastuć —
Wypruć jaho s chaty; —
Woźmie torbu, kij i ŭ puć
Pojdzie ichni tata.

Pojdzie, budzie żebrawać,
Prasić łusty chleba,
I nawučycca kazać:
— Addaść Boh u niebie!

Budzie żyć jon usio tak,
Kroŭ spiačecca ŭ żyłach,
I tady spakoj biedak
Znajdzie u mahiłach.