Межы (1929)/V/На моры

← Гляджу я ў даль

На моры Верш Аўтар: Алесь Гурло 1929 год

Заблішчалі ў цёмнай далі маякі →

Іншыя публікацыі гэтага твора: На моры (Шуміць вада, хвалюе мора…).

Прапануем да спампаваньня!

НА МОРЫ

Шуміць вада, хвалюе мора,
Мой човен шпарка ўдаль ляціць,
І чым далей, тым больш прастору
І сілы менш далей грабсьці.

Але грабу і абмінаю
Чужыні дальняй берагі,
Пад ўсплескі хваль успамінаю
Пра край мой родны, дарагі.

Павей мне, вецер, на пуціне,
Тады я парус нацягну.
Шпарчэй пайду па воднай сіні,
Каб ў краі родным адпачнуць.

Рыга, 1917 г.