Нарысы па гісторыі беларускае літаратуры (1922)/VIII/Прамова
| Тобѣ Божою моцою великому господарови… Прамова Аўтар: Леў Сапега 1922 год |
| Іншыя публікацыі гэтага твора: Прамова Льва Сапегі да Барыса Гадунова (1600). |
Прапануем да спампаваньня!
«Тобѣ Божою моцою великому господарови и великому князю Борысу Ѳедоровичу всея Руси поклоницьци се и здоровье твое намъ посломъ своимъ великимъ видзѣць и павѣдзиць казалъ найясьнѣйшы и велики господаръ нашъ Зыгмунть III Божою милосьцю, etc. Тобѣ великому господару, великому князю Борысу Федоровичу всея Руси мовлеть[1] велѣль: Прыслалъ есь до насъ посланника своего думного дворанина и ясельничого намѣстника можайского Михаила Игнатовича Татищова а діака Ивана Максимовича, ознаймуючы, ижъ за волею Божою велики господаръ и велики князь Ѳедор Ивановичъ, потомок великихъ господаровъ и великихъ князёвъ московскихъ зойсьць[2] мѣў з того сьвѣта, што цебе великого господара и великого князя Борыса Ѳедоровича всея Руси учынилъ Богъ господаремъ и великимъ княземъ московскимъ, и прагнешъ того, штобъ было ку доброму всему хресьцьянству. То тэды мы, вѣдаючы, же Богъ вшехмогучы, которы естъ Кроль надъ крольми, Господаръ надъ всѣми господарми и всѣ господарства въ моцы и въ рукахъ своихъ Боскихъ маючы владнець самъ вэдлугъ воли своей сьветоей господары, князи становиць, зъ роду въ родъ переносиць и даець, кому хочаць: ижъ тэжъ зь воли своей сьвятой тобѣ Борысу Ѳедоровичу далъ всѣсьци на томъ великомъ господарствѣ и панствѣ московскомъ, — мы, видзѣчы твой умыслъ и добрую хуць[3], которую нам церазъ посланника своего Михаила Татищова, діака Ивана Максимовича оповѣдалъ, и мы цебе на тымъ великимъ господарстве поздровляемъ: жычечы тобѣ въ ласцѣ Божей, въ добрей прыязьни зъ нами щесливого пожыця на много лѣтъ»[4].