Нашы дні (1937)/Каманіну, Молакаву і Слепнёву

← Шаснаццатая гадавіна

Каманіну, Молакаву і Слепнёву Верш Аўтар: Якуб Колас 1937 год

Змітраку Бядулі →

Іншыя публікацыі гэтага твора: Каманіну, Молакаву і Сьляпнёву.

Прапануем да спампаваньня!

КАМАНІНУ, МОЛАКАВУ І СЛЕПНЁВУ

Панурая поўнач. Халоднае мора,
Дзе бура выводзіць акорды глухія,
Дзе голага лёду пачварныя горы
Вартуюць сакрэты і тайны стыхіі…

Адважныя людзі Совецкай краіны
Пайшлі ў наступленне на тайны прыроды…
Разбілі, расцерлі судно іх ільдзіны
Пад ярасны скогат пургі, непагоды…

Прыкованы вочы, увага мільёнаў
Да лагера Шміта на здрадлівым лёдзе —
Што будзе з іх лёсам над вірам шалёным?
Хто вызавы кіне халоднай прыродзе?

Найшліся ў краіне Советаў тытаны,
Дзе ленінскі геній трымае стырно:
Праз горы, праз нетры, праз пургі, туманы
Вёў смелы Каманін арліна звяно…

Слепнёў і Каманін і Молакаў хмуры.
Дастойны вы песень вялікіх паэтаў:
Вы пакарылі стыхію і буры
Для гордасці, славы краіны Советаў.

1934. г.