На чужыне (Краўцоў)

На чужыне Верш Аўтар: Макар Краўцоў 1921 год Крыніца: Часопіс «Наша Думка», № 7, 18 лютага 1921 г., б. 4

Прапануем да спампаваньня!

На чужыне.

Нічога роднага… Чужое ўсё вакол…
Муры высокія, а ў іх чужыя людзі,
О, як жадаў-бы я узьняцца, як сакол,
Каб паляцець туды, дзе радасьней мо‘ будзе,
Дзе ўдасцца, можа, мне нанова засьпяваць,
І струны лірныя крануць ізноў рукою,
І духу творчасьці бяз меры набываць,
Ад працы цяжкае ня ведаці спакою.
Дык да цябе, мой мілы, родны краю,
Імкне душа мая і рвецца ў вышыню,
Бо на чужыне, тут я ціха паміраю
Дый ня жыву, а сплю і волю тваю сьню.

Краўцоў Макар.
Лодзь, 14.I.1921.

---