Описанье и оборона събору руского Берестейского/Оборона/1
| ← ОБОРОНА СЪБОРУ БЕРЕСТЕЙСКОГО | ОБОРОНА СЪБОРУ БЕРЕСТЕЙСКОГО Аўтар: Пётр Скарга 1597 |
Роздѣлъ 2 → |
Прапануем да спампаваньня!
Ижъ тотъ соборѣ порядне и
правне згромажоный былъ.
Порядне, водле Бога и правъ Божихъ и церъковъныхъ, тотъ светый соборъ Берестейский въ Христе згромажный былъ. Бо росказаный есть отъ найвысшого пастыра всего християньства папы (Рымского) Клеменса Осмого, которы[й] самъ не только такие, але и вселенъские соборы всихъ на свете епископовъ складаетъ, и оные потвержаетъ, безъ которого призволенья жаденъ соборъ порядъный и моцъ маючий быть не можетъ. Дѣелъ се тежъ тотъ соборъ зъ ведомостью его милости князя аръхиепископа Гнезненьского, Станислава Карнъковского, яко примаса и найвысшого въ томъ королевъстве духовъного преложоного. Приступило до того дозволенье короля его милости, безъ которого въ панъстве его жадьному подданному зъездовъ и громадъ чинить се не годить, — а не толко позволене, але и выправа пословъ на тотъ собор, для спокойного речей духовныхъ отправованя.
Были тежь на немъ особы до собору власне належачые, то есть: (аръхиепископи,) епископи або владыки, которые сами правомъ Божимъ на томъ трыбунале соборовомъ власть мають. Бо они сами сутъ, яко писмо мовить (въ Деянияхъ Апостолскихъ 20), «отъ Духа Светого поставени, абы рядили церковью Божою, (об. 20) которую откупилъ кровью Своею». Иные тежъ зъ собою свещенники и презвитеры учоные и побожные привели, не для судовъ и заседаня, але для помочы и рады. Были тежъ и светские зъ рамени короля его милости и иные добровольне прыеждаючые.
Зобралъсе тежъ тотъ соборъ на речь светую и збавенную и потребную. Не ижъ бы вѣру становилъ, або о арътыкулахъ ее выкладыдавалъ (бо то самымъ вселенскимъ соборомъ и за всего християнства зобранымъ епископомъ належить), але жебы то выконали, што черезъ послы свое до отца светого папежа всказали, и што имъ поручоно было. То есть: абы зъехавъшисе, съединение вѣры светое и вси eе артыкулы и члонки вызнали, и руками своими подписали, хотечы такъ научать, яко отъ апостоловъ светыхъ подано, и въ писме светомъ умоцнено, и одъ отцовъ светыхъ старожитныхъ Греческихъ и Латинскихъ сукцесыею и въступованьемъ порядънымъ зоставлено, одъметаючи новины и науки геретыцкие, здавъна одъ отцовъ проклятые, и иные якокольвекъ противъ повшехной и старожытной науце католической повстаючые. А ктому абы отдали послушенство навысшому пастыру, потомъку апостола Петра светого, и напотомъ стерегучысе отщепеньства, въ едъности тѣла церъкви Божое жыли. Наконецъ абы взяли розъгрешенье зъ отщепенъства патрияръховъ Царогородскихъ, а напотомъ, покуль се съ костеломъ светымъ не злучать и не зъеднаютъ, въ следы и приклады предъковъ своихъ въступуючы, абы з ними сполъковъ жадъныхъ не мели. На тые тры светые речы зъгромажоный, тоть соборъ учинилъ всимъ досытъ, и за помочью Божою тое статечне выконалъ.
А ижь противники наболей на то крычать, ижъ отъ патрияръхи Царогородъского отступили, а съ тымъ се светскимъ людемъ и посполитымъ не оповедели: дасть ce имъ справа статечная о томъ и довольная. Тое только преложывыши, Яко въправде есть: ижъ тые противники о то не дъбають, и не тое ихъ болить, ижъ одъ Царигородьского патрияръхи владыкове отступили (бо ведаютъ, и назбыть ведають, який тамъ нерядъ, и знищенье, невольство, и грехъ); ижъ оттуль жадное потехи и помочы до справъ церковныхъ не мають; ижъ на той столицы сами светокупьцы седять, а до нихъ николи жадного ученого и побожного слать не могуть, бо ихъ не мають; одно голодные на пенези а убогие, а часомъ шалберы, у которыхъ за троху золота и сукна купить всю веру, и достоенъства, и владыцъства, и розгрешеня, якихъ кому потреба; и которые послами се отъ патриархи чынять, а не сутъ, обороны жадъное до веры и науки и рядовъ церъковъныхъ задеръжаня не дають, але рачеи все лакомъствомъ и для пенезеи мешають, а иногды хрестиянские справы Туркомъ выдають; лечь имъ о то идеть, и то ихъ болить, ижъ се владыкове злучили съ костеломъ светымъ Рымъскимъ, где наука и побожность християньская цвите. Бо тые вси, што се противъ тому собору списали, окромъ мало розумъныхъ поповъ и чернъцовъ, давно не только столицу Царогородскую, але и веру ихъ Греческую покинули, явне и церкви и попы баламутнею и балвохвалствомъ зовучы, а новые собе и розные веры вымышляючы, на знищенье Греческое и всее християньское (веры). Другая ихъ речь болить, ижъ се ихъ въ томъ прыстанью до костела владыкове не радили, ани ихъ призволенья чекали, прывлащаючы собе въ томъ духовъную звирхъность и власть, и съ того собе славу чынечи, до чого ничого не мають, а где и на чомъ правъдивое славы искать - не видять.
Претожъ на тое се имъ первеи пове.