Пад родным небам (1922)/Грымоты й цішы/Я — кропля вялікага творчага мора…

← ⁂ (Пад пусткай цень расьце…)

⁂ (Я — кропля вялікага творчага мора…) Верш Аўтар: Змітрок Бядуля 1922 год

Псальмы паўночныя →

Іншыя публікацыі гэтага твора: Я — кропля вялікага творчага мора…

Прапануем да спампаваньня!

∗     ∗
∗

Я — кропля вялікага, творчага мора,
Я — іскра квяцістага полымя зораў,
Я — водблеск нябёсных адвечных прастораў.

Душа мая — песьня з сьвятога амбону,
Душа мая — краска ад Божай кароны,
Душа мая — водгульле Божага стогну.

А думы — вясны залатой агнявіцы,
А думы — зямлі жыватворчай крыніца,
А думы — лугоў аксамітных расіца.

Жыцьцё маё — сон бога дзіўных Калядаў,
Жыцьцё маё — цень лясуновых прысадаў,
Жыцьцё маё — шэпт чараўнічага саду.

Памру — не памрэ жыцьцедаўчая сіла,
Што дух мой пад неба да зорак насіла,
Што кіне вянок на нямую магілу.

1922 г.